වර්තමානයේ පාසල් දරුවන්ගේ සිට වැඩිහිටි පුද්ගලයන් දක්වා දක්නට ලැබෙන රෝගී තත්ත්වයක් ලෙස Scoliosis අර්ථ දැක්විය හැක. මෙය සරලව කිවහොත් කොඳු ඇට පෙළ සාමාන්‍ය හැඩයෙන් ඉවතට ගොස් S හෝ C ආකාරයට වක්‍රවීමකි. Scoliosis කල්තියා හඳුනාගැනීමෙන්, ඔබට සහ ඔබගේ දරුවාට අනාගතයේ ඇතිවිය හැකි ගැටළු රැසක් වළක්වාගත හැක. එම නිසා සැකයක් තිබුණොත් ප්‍රමාද නොවී වෛද්‍ය උපදෙස් සදහා යොමු වීම අත්‍යවශ්‍යයි.

මෙම තත්ත්වය,

• ශරීරයේ සමබරතාවයට බලපායි
• උරහිස්, උකුල් අසමාන වීමක් ඇති කරයි
• කොන්දේ වේදනාව, හිරිවැටීම වැනි ගැටළු ඇති කරයි
• තීව්‍ර අවස්ථාවල හුස්ම ගැනීමේ අපහසුතා ද ඇති විය හැක

විශේෂයෙන්,
වයස අවුරුදු 10–16 අතර දරුවන් අතර මෙම තත්ත්වය වැඩි වශයෙන් දක්නට ලැබේ.

මුල් රෝග ලක්ෂණ ලෙස,

• අසමාන උරහිස් (වඩාත් කැපී පෙනෙන ලෙස පෙනෙන එක් උරහිස් තලයක්)
• ඉණ හා උකුල අතර අසමාන රේඛාව (එක් උකුලක් අනෙක් එකකට වඩා ඉහළින් පිහිටයි)
• ශරීරය එක් පැත්තකට නැඹුරැ වේ
• පිටුපස සිට බලන විට කොඳු ඇට පෙළ වක්‍රව පෙනේ

මේ වගේ ලක්ෂණ දක්නට ලැබේ නම් එය නොසලකා නොහරින්න

වැදගත්:
මුල් අවධියේ හඳුනා ගැනීමේන් ශල්‍යකර්මයකට යොමු වීමට පෙර මෙම තත්වට පාලනය කර ගත හැක.

50°ට වැඩි අවස්ථාවන්හිදී,
සැත්කමක් මඟින් කොඳු ඇට පෙළ නිවැරදි කිරීම ද සිදු කළ හැකි අතර,
දැන් ශ්‍රී ලංකාවේද මෙම ප්‍රතිකාර ලබාගැනීමට හැකියාව ඇත.

එබැවින් රෝග ලක්ශණ පවතී නම් එය නොසලකා නොහැරිය යුතු අතර හැකි ඉක්මනින් වෛද්‍ය උපදෙස් ලබා ගන්න.